8 de marzo

Una begada mas ye 8 de marzo, diya internazional d´a muller. Tendria que estar un diya ta zelebrar a suya libertat y a suya igualdat en toz os aspeutos d’a soziedat como indibiduos libres que en son. Pero as añadas pasan y dende Astral no beyemos que bi aiga cambeau cosa. Tenemos as mesmas lacras de falta d’igualdat secsual y de chenero como fa unas añadas. ¿Por que dende o estau espanyol se dize que a situazion ye muito millor t´as mullers? ¿Creyen que por que bi aiga un Ministerio de Igualdat as cosas an cambeau?

A soziedat contina amostrando a lxs nuestrxs chobenxs os mismos estereotipos etero-machistas-patriarcals de simpre: en a publicidat, en a politica, en a telebisión, en os chuegos ta ninxs, asinas y asinas. Ecsiste un masclismo inconscién, que se puede beyer y sentir- en os chiquez (y no tan chiqez) detalles.
Se puede creyer-ie que o masclismo ye de “chen biella”, que ellxs son no mas os que creyen que bi ha esferenzias por chenero. Pero estar (u no estar) machista no ye custión d´edat si no de cultura. Y en a nuestra arrastramos un lastre que parixe que no queremos perder ne.

Os ombres (eterosecsuals) continan estando a clase dirichén encara que se diz que no ye d´ista traza. As opinions, gustos, treballo, esbronzidos, … no son igualment estimados si yes una muller. O problema ye en que subconsientemén se aceuta y se da por bueno ista traza de pensar, lo masculino ye millor que lo femenino. Totas y toz somos presonas, indibiduos esferens pero con os mesmos dreitos. Isto no será posible hasta que no eliminemos ixe masclismo inconscién que bi ha en a nuestra cultura.
Ta Astral, ixe ye o nuestro obchetibo. Ye un treballo que fer diya a diya y que tiene que ser feito por ombres y mullers cualsiquiera que sea a suya situazión. Sin reblar, o futuro ye nuestro.

Por ellas, por ellos, por todas y toz…Aragón ye Antisecsista!!!

Anuncios
A %d blogueros les gusta esto: